Dje në mbrëmje është gjetur i vdekur tupanxhiu kosovar, Behar Morina, trupin e tij e ka gjetur këngëtari i njohur kosovar Shkelzen Jetishi, i cili edhe kishte lidhje familjare me të.
Lajmin për Indeksonline e ka konfirmuar zëdhënësi i Policisë, Nysret Xhurkaj, i cili thotë se në lidhje me rastin është njoftuar prokurori kujdestar për ndërmarrjen e veprimeve të mëtutjeshme.
Ndërsa në raportin 24-orësh të Policisë së Kosovës thuhet se me urdhër të prokurorit trupi i pajetë është dërguar në IML për Obduksion.
Indeksonline ka kontaktuar edhe me Xenin, i cili tregon se vdekja e Behar Morinës e ka tronditë familjen e tij.
“Ai është dhëndrri i motrës sime, vdekja e tij na ka tronditë”, u shpreh Xeni.
