Kryetari i komunës së Gjilanit, Lutfi Haziri, përmes një postimi në faqen e tij zyrtare në Facebook, ka thënë se është krenar që shtatë vite më parë, ka qenë sponsoruesi i Rezolutës, për të drejtat e shqiptarëve në Preshevë, Bujanoc dhe Medvegjë.
Ai shprehë keqardhje që vetëm dy nga pikat e kësaj Rezolute u implementuan nga instituvcionet kosovare dhe i bën thirrje Qeverisë që t’i kryej detyrat që burojnë nga kjo Rezolutë, shkruan InLajmi.
Haziri thotë se vazhdon të besojë që ka ardhur koha që shqiptarët e Kosovës Lindore t’i bahshkoen atdheut të tyre.
Ky është postimi i tij i plotë:
Jam shumë krenar që sot, shtatë vite më parë, kam qenë sponsoruesi i Rezulutës për të drejtat e shqiptarëve në Preshevë, Bujanoc dhe Medvegjë, e cila mori përkrahjen e shumicës së madhe të deputetëve të Kuvendit të Republikës.
Por, më vjen keq që vetëm dy nga pikat e kësaj Rezolute u implemetuan nga institucionet kosovare. I bëj thirrje kësaj Qeverie që t’i kryej detyrat që burojnë nga kjo Rezolutë sepse Kuvendi është bartës i saj.
Dhe në fund, vazhdoj me besu që ka ardhë koha që shqiptarët e Kosovës Lindore t’i bashkohen atdheut të tyre. Në emër të Zotit, Familjes e Atdheut, Kosova po bëhet!/InLajmi/
