Ish-Ministri Zhvillimit Ekonomik në Qeverinë e drejtuar nga Ramush Haradinaj, Valdrin Lluka ka përkrahur nismen Qeverisë së re për rikthimin e mundësisë së privatizimit të pjesshëm të Telekomit të Kosovës, shkruan InLajmi.
Lluka ka thënë se privatizimi i pjesshëm i Telekomit siguron stabilitet për ndërmarrjen, punëtorët dhe avancim për sektorin e telekomunikacionit në Kosovë, sektor ky i ndërlidhur ngusht me suksesin e industrisë së informacionit dhe teknologjisë.
Më tutje ai ka shtuar se në kohën sa ishte Ministër i Zhvillimit Ekonomik, se është i gatshëm të shprehë përvojën e tijë në MZHE që të punojë në mënyrë vullnetare.
Postimi i plotë:
E përshendes qasjen e qeverisë së re karshi Telekomit!
Privatizimi i pjesshëm i Telekomit siguron stabilitet për ndërmarrjen, punëtorët dhe avancim për sektorin e telekomunikacionit në Kosovë, sektor ky i ndërlidhur ngusht me suksesin e industrisë së informacionit dhe teknologjisë.
Në kohën sa isha në Ministri të Zhvillimit Ekonomik, ne kemi filluar një procedurë të tillë, për çka kemi pranuar edhe ndihmë financiare dhe ekspertizë nga Banka Evropiane për Rindërtim dhe Zhvillim, ndihmë kjo që është e gatshme për qeverinë aktuale që të shfrytëzoj.
Gjithashtu, shprehi gatishmërinë që përvojën time në MZHE t’ia ofroj qeverisë aktuale, në mënyrë vullnetare dhe pro-bono. /InLajmi/
