Për kosovarët marrëdhënie me Shtetet e Bashkuara të Amerikës vazhdon të jetë shumë e veçantë dhe të jetë besim i palëkundur ndaj tyre.
Center for Insight in Survery Research pjesë e International Republican Institute,ka realizuar një pyetësor ku nxjerrë Shtetet e Bashkuara të Amerikës si aleatin më të besuar për kosovarët.
Kjo kompani amerikane ka realizuar një pyetësor në gjithë shtetet e Ballkanit Perëndimor, përfshirë edhe Republikën e Kosovës, përgjatë periudhës kohore 2 shkurt 2020 – 6 mars 2020.
Kosovarët në këtë pyetësor kanë shprehur palëkundshëm qëndrimin e tyre sa i përket aleatëve dhe besimit që kanë në ta.
88 % e të anketuarve kanë shprehur besimin e tyre të palëkundur se aleanca me Shtetet e Bashkuara të Amerikës është jashtëzakonisht e dobishme, kur janë pyetur të thonë opinionin e tyre për shtetet veç e veç.
Po ashtu në pyetjen se kush është donatori më i madh në Kosovë, 74 % e të anketuarve kanë zgjedhur Shtetet e Bashkuara të Amerikës dhe 11% Bashkimin Evropian, transmeton Gazeta Metro.
Qëndrim përafërsisht të ngjashëm kanë edhe për Gjermaninë, 86 % e të anketuarve kanë shprehur opinion pozitiv sa i përket aleancës së Kosovës me Gjermaninë.
Edhe sa i përket raporteve me Turqinë, kosovarët e shohin si të dobishëm bashkëpunimin me Ankaranë zyrtare.
