Pas suksesit që arritën nē muajin shkurt të këtij viti, me fillimin e analizave të Tumormarkerëve, që në të kaluarën bëheshin në laboratoret jashtĕ vendit, këto ditë në laboratorin e QKMF, dhe nē Shërbimin urgjent në Prizren, qytetarëve po u ofrohet edhe një shërbim shumë i rëndësishëm laboratorik. Për herē të parë në një Institucion publik tē KPSH-se, në vendin tonē, bëhen edhe analizat per identifikimin me kohë të sëmundjeve kardiovaskulare.
“Falë angazhimit tonë dhe trajnimit permanent tē stafit nē laboratorin e QKMF-së dhe të Shërbimit urgjent, gjithnjë të përkrahur pa rezervë nga Drejtoria komunale e Shëndetësisë, këto ditë filluam me analiza laboratorike të reja për KPSH në Prizren, si; Analizat e Troponines, Antitroponines dhe D-Dimer, të cilat shpëtojnë jetë në raste të caktuara”, – u shpreh Dr. Xhevat Elezkurtaj, drejtor i QKMF-sĕ në Prizren.
Pos këtyre analizave, në laboratorin e QKMF-së nē Prizren, që njihet si Qendra mē e suksesshme në vend, paraprakisht duke caktuar tetminin bëhen edhe; Jonogrami, Vitaminat D, B, B12, ato Reumatike, Helicobakteri, Tripl testi HCG dhe analiza tĕ tjera për gratë shtatzëna për identifikimin e hershĕm të anomalive në fryt, etj.
“Identifikimi i hershëm dhe preventiva në Kujdesin Parësor Shëndetësor, ka qenē, është dhe do të mbetet një nga qēllimet tona parësore”. – tha pēr InLajmin Visar Shehu, drejtor në Drejtorisë komunale për Shëndetësi nĕ Prizren. – “Kështu, duke e orientuar buxhetin dhe mendjen në shërbim të pacientit-qytetarit, gjatë këtij viti kalendarik kemi ndarë njē buxhet prej 229 mijë euro, për reagenca nē laboratoret tona.
Gjithashtu jemi duke punuar edhe në dixhitalizimin e këtyre laboratoreve”.
Poashtu, gjatë bisedës me z. Shehun, mësuam, se falë zotimeve tē mëhershme dhe e kompletuar nga buxheti i DSH-së, këto ditē në QKMF nē Prizren, do ta fillon punën edhe Qendra e Trajnimeve i personelit mjeksor të KPSH-së me të gjitha paisjet e duhura për trajnim.
Osman Goranci /InLajmi/
