Deputeti i Kuvendit të Kosovës nga Partia Demokratike e Kosovës, Abelard Tahiri ka reaguar pas votimit të Qeverisë Hoti, shkruan InLajmi.
Tahiri në rrjetin e tij social facebook ka thënë se Qeveria Hoti nuk është e aftë për t’u bërë ballë sfidave që e presin Kosovën.
Ai ka thënë se pas shkarkimit të Qeverisë së Stagnimit, sot u votua Qeveria e Status Quo-së. Rrethanat e pandemisë që mundësuan devalvimin e institucioneve nga Albin Kurti, sot po e mundësojnë zgjatjen e këtij devalvimi nga LDK.
Nga një Qeveri e integruar nën urdhrat e një njeriu arbitrar, në një Qeveri të dezintegruar nën urdhrat e hisedarëve të saj. Prej një kryeministri arrogant në uzurpim e keqqeverisje, në një kryeministër të pafuqishëm.
Postimi i plotë:
Pas shkarkimit të Qeverisë së Stagnimit, sot u votua Qeveria e Status Quo-së.
Rrethanat e pandemisë që mundësuan devalvimin e institucioneve nga Albin Kurti, sot po e mundësojnë zgjatjen e këtij devalvimi nga LDK. Nga një Qeveri e integruar nën urdhrat e një njeriu arbitrar, në një Qeveri të dezintegruar nën urdhrat e hisedarëve të saj. Prej një Kryeministri arrogant në uzurpim e keqqeverisje, në një Kryeministër të pafuqishëm. Kjo Qeveri nuk është e aftë për t’u bërë ballë sfidave që e presin Kosovën. Gjithsesi, PDK do jetë opozitë përballë kësaj Status Quo-je, siç ishte opozitë përballë rënies së demokracisë nën diktatin e Albin Kurtit. Qytetarët meritojnë zotimin tonë për demokraci, zhvillim e barazi. Partia Demokratike e Kosovës po punon dhe do të punojë për ta bërë këtë të mundur sa më parë. /InLajmi/
