Nënkryetari i Komunës së Prishtinës Selim Pacolli, tha se çerdhet dhe kopshtet në kryeqytet janë duke u dezinfektuar prandaj ato do të hapen të martën.
“Sot jemi duke i dezinfektuar të gjitha çerdhet dhe kopshtet dhe nesër do të jenë të gatshme për hapje”.
Këto komente ai i bëri në hapjen e “Javës së Gjelbër”.
Qeveria e Kosovës në mbledhjen e mbajtur një ditë më parë ka vendosur për fillimin e fazës së tretë të lehtësimit të masave ndaj Coronavirusit, duke shfuqizuar kështu vendimin e Qeverisë të 26 marsit për ndalimin e disa veprimtarive
Me fillimin e fazës së tretë të lehtësimit të masave është vendosur për rihapjen e çerdheve, kufijve tokësorë, gastronominë, qendrat tregtare, raporton Ekonomia Online.
Por Çerdhja “Xixëllonja” në kryeqytet edhe të hënën nuk ka filluar punën, kjo si rezultat i mungesës se informatave zyrtare mbi rregullat për tu rihapur pas lehtësimit të masave ndaj Coronavirusit.
