Ka filluar faza e tretë, ku Qeveria në detyrë mori vendim për rihapjen e të gjitha pikave kufitare në Kosovë.
Ata që vijnë nga jashtë dhe nuk e kanë kryer testin në afat kohor jo më shumë se
4 ditë, detyrohen të vetizolohen për shtatë ditë, shkruan InLajmi.
Të gjithë personat që hyjnë në Republikën e Kosovës obligohen t’i nënshtrohen kontrolleve të ekipeve mjekësore të #QKMF-ve (Qendrave Kryesore të Mjekësisë Familjare) në Pikat e Kalimeve Kufitare dhe t’i zbatojnë masat e mbrojtjes kundër #COVID19.
Të gjithë personat që hyjnë në territorin e #RKS-së dhe posedojnë rezultate negative për testin #COVID19 RT PCR (Jo më të vjetër se katër ditë)) nuk i nënshtrohen procedurave të vetë-izolimit.
Ata që nuk kanë testin sipas pikës 6.1. detyrohen të vetë-izolohen për 7 ditë.
Hapen kufijtë tokësor në Pikë Kalimet Kufitare si në vijim: Merdarë, Vërmicë, Kullë, Hani i Elezit, Jarinje dhe Dheu i Bardhë.
Qytetarët që manifestojnë shenja klinike udhëzohen nga profesionistët shëndetësor në Pikat e Kalimit Kufitar;
Deri me datë, 20.06.2020 do të bëhet vlerësimi i situatës epidemiologjike dhe me këtë do reflektohen masat e reja lidhur me Pikat Kufitare dhe hyrjen e qytetarëve në Republikën e Kosovës
Në njoftim thuhet se pas një jave të hapen kufijtë ajrorë. /InLajmi/
