Kryetari i Komunës së Mitrovicës Agim Bahtiri, ka reaguar pas publikimit të plotë të vendimit nga Gjykata Kushtetuese për dekretin e presidentit, përcjell InLajmi.
Ai tha se u zhgënjeva edhe më shumë e më keq, se sa me rastin e publikimit të vendimit fillestar.
“Ky vendim mendoj që është skandaloz, i porositur, i dëmshëm për demokracinë dhe do të sjellë pasoja edhe në të ardhmen, ku do të kemi problem si shtet për të ndërtuar institucione të qendrueshme dhe me legjitimitet që buron nga vullneti i qytetarëve” shkroi Bahtiri në facebook.
Ai tha se si pasojë e këtij vendimi, edhe në të ardhmen do t’iu krijohet mundësi pazarxhinjve dhe humbësve për ta krijuar qeverinë pa fituesin e përcaktuar nga populli.
Bahtiri ritheksoj se vendi duhet të shkoj në zgjedhje, sepse kjo është rruga më e drejt dhe më demokratike.
Ju bëjë apel gjithë qytetarëve brenda dhe jashtë vendit, që ta tregojnë vullnetin e tyre për të shkuar në zgjedhje përmes nënshkrimit të peticionit./InLajmi/
