Qeveria Kurti në detyrë ka njoftuar se gjatë mbledhjes së ditës së shtune ndër tjera ka marrë vendim që reciprocitetit ndaj Serbisë t’i shtohen masa të reja. Ndaj këtij vendimi të Kurtit, ka reaguar i dërguari i Posaçëm i Bashkimit Evropian për bisedimet Kosovë – Serbi dhe Ballkanin Perëndimor, Miroslav Lajçak, përcjell InLajmi.
Përmes një postimi në llogarinë e tij në Twitter, Lajçak ka shkruar se është i zhgënyer me këtë vendim.
Sipas tij, veprime të tilla të njëanshme e minojnë rifillimin e dialogut dhe duhet të largohen menjëherë.
“I zhgënjyer për masat e reja të reciprocitetit, të vendosura nga qeveria në detyrë e Kosovës. Veprime të tilla të njëanshme e minojnë rifillimin e dialogut dhe duhet të largohen menjëherë. Siç është thënë vazhdimisht, ne presim që të dyja palët në dialog t’i zbatojnë dhe t’i respektojnë marrëveshjet e kaluara”, ka shkruar Lajçak.
