Presidenti i Republikës së Kosovës Hashim Thaçi ka thëne se vendimi i Gjykatës Kushtetuese ka dëshmuar se Kosova është e ndërtuar mbi themele të forta dhe ka demokraci të qëndrueshme, shkruan InLajmi.
Thaçi është shprehur se kjo gjykatë ka treguar se di t’i përgjigjet vullnetit të popullit si tërësi.
Ai ka bërë thirrje që të themelohet Qeveria e re dhe që vendimi i gjakatës të respektohet nga partitë politike.
“Tani duhet sa më parë që të themelohet Qeveria e re, pasi rrethanat kërkojnë një Qeveri funksionale. U bëj thirrje të gjitha institucioneve, të gjitha partive politike, që t’i zbatojnë vendimet e Gjykatës Kushtetuese dhe të punojnë së bashku që ta kemi tranzicion të rregullt” – ka shkruar në një postimi në rrjete sociale i pari i shtetit.
Presidenti i vendit Hashim Thaçi më herët në konferencë për medie ka deklaruar se ka mirëpritur vendimin e kushtetueses, i cili legjitimoi drekretimin e Avdullah Hotit si kandidat për kryeministër.
Postimi i plotë:
Vendimi i Gjykatës Kushtetuese dëshmoi që Kosova është e ndërtuar mbi themele të forta dhe ka demokraci të qëndrueshme, e cila i përgjigjet vullnetit të popullit si tërësi.
Tani duhet sa më parë që të themelohet Qeveria e re, pasi rrethanat kërkojnë një Qeveri funksionale. U bëj thirrje të gjitha institucioneve, të gjitha partive politike, që t’i zbatojnë vendimet e Gjykatës Kushtetuese dhe të punojnë së bashku që ta kemi tranzicion të rregullt.
Duhet ta ruajmë rendin kushtetues, integritetin e sistemit të drejtësisë, paqen dhe stabilitetin.
Duhet të përqendrohemi në atë që është kryesorja për qytetarët e Republikës së Kosovës dhe të sjellim zhvillim e prosperitet për të gjithë. /InLajmi/
