Kryetari i Deçanit Bashkim Ramosaj, ka njoftuar se është takuar sot me ambasadorin e Malit të Zi në Kosovë, Ferhat Dinosha me të cilin kanë diskutuar për mundësinë e disa projekteve në Deçan, përcjell InLajmi.
Me anë të një postimi në facebook, Ramosaj e sheh vizitën si të rëndësishme për zhvillimin ekonomik të qytetit të Deçanit.
“Pata nderin që të kem në vizitë Ambasadorin e Malit të Zi në Kosovë, z.Ferhat Dinosha dhe deputetin e Republikës së Kosovës z.Gazmend Abrashi, me të cilët diskutuam për projekte të rëndësishme zhvillimore të Komunës së Deçanit dhe prespektivën e zhvillimit ekonomik të qytetit tonë”
Në ndërkohë ata kanë vizituar edhe punimet që po vazhdojnë në rrugën Deçan – Plavë”/InLajmi/
