Pasi ndezi dritën jeshile për rifillimin e futbollit në ishull, Federata Angleze e Futbollit zyrtarizoi këtë të premte dhe kalendarin e FA Cup duke përcaktuar datat se kur do të luhen ndeshjet çerekfinale, gjysmëfinale dhe finalja.
Në datat 27 dhe 28 qershor u vendos që të luhen sfidat çerekfinale të FA Cup, ku çiftet janë:
- Leicester City v Chelsea
- Newcastle United v Manchester City
- Sheffield United v Arsenal
- Norwich City v Manchester United
Takimet gjysmëfinale do të luhen në mesin e muajit korrik në datat 11 dhe 12 korrik duke i dhënë pak hapësirë kohore ekipeve në mënyrë që përgjatë kompeticionit të mos ketë ngjeshje në kalendar.
Finalja e madhe, e cila siç e do tradita do të zhvillohet në Wembley është vendosur të luhet me datë 1 gusht, përcjell RTK Live.
Të gjitha takimet siç funksionon zakonisht në Angli luhen me 1 ndeshje në këtë fazë, dhe jo siç ndodh me fazat paraardhëse kur luhen takime shtesë në rast barazimi.
