Albin Kurti reaguar pas vendimit të Gjykatës Kushtetuese lidhur me aktgjykimin për dekretin e Presidentit duke thënë se ai nuk ishte interpretim i kushtetutes, por sipas tij arsyetim i veprimeve të Thaçit, shkruan InLajmi.
“Gjykata duket se kishte këtë qasje: meqë presidenti ka të drejtë, le të përpiqemi ta arsyetojmë” – ka shkruar Kurti.
Ai ka thënë se vendimi i gjykatës ka qenë i atillë sa është shkruar sikur fituesi i zgjedhjeve në Kosovë është inekzistent.
Tutje kryeministri në detyrë ka mohuar konstatimin e gjakatës se partia e tij s’ka patur interesim për të propozuar një kandidat për kryeministër.
“Gjykata paragjykon kur thotë se fituesi jo vetëm që s’ka propozuar një kandidat, por as që ka shprehur interesimin për një gjë të tillë. Kjo nuk qëndron, sepse në vazhdimësi është theksuar nga ne se fituesi i zgjedhjeve nuk po heziton dhe nuk po refuzon”.
Në fund të postimit të tijë në rrjete sociale Kurti ka shkruar se Gjykata Kushtetuese është rreshtuar me kapësit e shtetit.
Por ai është shprehur se nuk do të ndalet.
“Beteja jonë vazhdon, bashkë me popullin e vetëdijësuar, kundër kësaj kaste të korruptuar”./InLajmi/
