Deklarata e Presidentit Thaçi se Albin Kurti, Xhelal Sveçla dhe Haki Abazi kanë hyrë në “dhomën e përgjimeve” në Telekom pa urdhër të prokurorisë bëri bujë të madhe, shkruan InLajmi.
Në lidhje me këtë çështje u pyet nga gazetarë edhe ushtruesi i detyrës së ministrit të Ministrisë së Punëve të Brendshme dhe Administratës Publike, Xhelal Sveçla, sot gjatë konferencës së mbajtur në QKUK.
Por Sveçla nuk deshi të përgjigjej.
“Nuk besoj se është koha të flasim për këtë, nuk është as vendi. Ne jemi në qendrën e administratës së QKUK-së. Nuk jam unë që duhet të deklarohem për këto” – u shpreh ai.
Më tutje ushtruesi i detyrës së ministrit shënjoi një lokacion interesant për komentimin e deklaratave të Presidentit Thaçi.
“Mendoj se për këtë duhet të deklarohen në ndërtesën ngjitur (Klinikën e Psikiatrisë), pra ekspertët që punojnë aty” – përfundoi Sveçla. /InLajmi/
