Ministri në detyrë i Financave dhe Transfereve, Besnik Bislimi ka mbajtur konferencë për media ku dhe ka paraqitur pakon e rimëkëmbjes ekonomike, e cila do ta ketë ndikimin e saj për 5 vite në vijim, raporton InLajmi.
Bislimi në konferencën për media theksoi se pakoja e dytë për ekonomi ka një ndikim 1.2 miliard euro për pesë vitet në vijim.
Bislimi para gazetarëve ka thënë se me ndërhyrjen e menjëhershme të Qeverisë dhe Ministrisë së Shëndetësisë, Kosova e ka kaluar periudhën e deritanishme shumë më lehtë sesa vendet tjera.
“Kriza shëndetësore në për të cilën po kalojmë për gjatë vitit 2020 është pa precedent sikur nga natyra ashtu edhe nga përgjigjja e institucioneve publike. Falë reagimit të hershëm të institucioneve me masa kufizuese dhe fale disiplinës së qytetarëve Kosova ka arrit periudhën e deri tanishme dukshëm më lehtë. Këto zhvillime kanë krijuar hapësirën për hapjen graduale të ekonomisë. Qeveria ka përgatitur pakon e parë me vlerë prej 190 milionë euro”, tha Bislimi.
Bislimi ka thënë se masa e dytë i referohet edhe rinisë që janë paraparë 38 milionë euro, për start-up të të rinjve.
“Pakoja në tenton ta fuqizojë rolin e gruas në ekonomi dhe një masë shtesë që bizneset që marrin kredi për zgjerim dhe arrij ta mirëmbajnë për 3 vite qeveria merr përsipër interesin. Masa e dytë i referohet rinisë dhe kemi paraparë 38 milionë euro, 30 milionë euro për start-up të të rinjve dhe parashihen të mbulohen 3 mijë iniciativa dhe 8 milionë euro për mbulimin e gjysmës së kostove financiare për kompanitë që shtojnë numrin e praktikantëve të rinj që qeveria merr përsipër deri në një masë 1 vjeçare. Ata që punësojnë nënat, apo personat me aftësi të kufizuara ne marrim përsipër 50 për qind të pagesës për një periudhë 1 vjeçare, shtoi Bislimi.
Mes tjerash Bislimi ka thënë se masa e pestë ka të bëjë me sistemin arsimor. Në këtë masë do të mbështeten me 3 milionë euro studentet e gjinisë femërore që vinë nga zonat rurale./InLajmi/
