Ish-këshilltari i kryeministrit Ramush Haradinaj, Halil Matoshi ka reaguar pas deklaratës së presidentit Hashim Thaçi, i cili në një intervistë televizive tha se Albin Kurti, Xhelal Sveçla e Haki Abazi kanë hyrë në dhomën e përgjimeve në Telekom, shkruan InLajmi.
Matoshi përmes rrjetit social ka shkruar se se prokurori i shtetit, duhet të veproj menjëherë.
“Këtë informacion (presidenti merr raporte nga AKI) tepër inkriminues nuk do të duhej me e thânë në televizion por natyrisht para Prokurorit!”,
Reagimi i plotë:
Qeveria ka hy në dhomën e përgjimeve po thotë Presidenti!?
Prokurori i shteti në bazë të informatës publike të Presidentit tē Republikës, se Kurti, Abazi e Sfeqla kanë ndalë kamerat e sigurisë dhe kanë hy për tre ditë në dhomën e përgjimeve në PTK, duhet qysh sonte me i nisë hetimet ex oficio.
Dhe këtë dëshmi Presidenti (nëse i ka informatat e bazume) duhet me i deponu në Prokurori, sepse âsht i oblugumë me ligj, nëse jo, ai duhet të japë përgjegjësi për fjalën publike.
Këtë informacion (presidenti merr raporte nga AKI) tepër inkriminues nuk do të duhej me e thânë në televizion por natyrisht para Prokurorit!
Ajo që e tha Presidenti âsht tepër alarmante dhe e rrezikshme!
Nëse kjo ka ndodhë, kemi të bâjmë me grushtshteti, pra me fillimin e shkatrrimit të institucioneve legale të sistemit!? /InLajmi/
