Coronavirusi u ka shkartuar humbje të mëdha bizneseve që operojnë në nivelin lokal.
Llogaritet që humbjet ditore të kapin shifrën deri në 700 mijë euro të ditë, ka konfirmuar drejtori i Asociacionit të Komunave të Kosovës Sazan Ibrahimi.
Ibrahimi ka potencuar se kryetarët kanë kërkuar që Qeveria të kthejë kokën kah rimëkëmbja ekonomike.
“Pas kërkesës së Asociacionit niveli qendror ka lejuar që komunat të fillojnë me organizimin e takimeve të rregullta të kuvendeve komunale, shumica e komunave kanë filluar që ta mbajnë takimin e komitetit për politik dhe financa dhe të dikustojnë për çështje që janë në interes të qytetarëve, dhe tash ju kanë kthyer normalitetit por në përgjithësi kryetarët mendojnë që duhet t’i kthehemi normalitetit sepse humbjet ditore nga bizneset të cilat operojnë në nivelin lokal ndonjëherë sillen rreth 700 mijë euro dhe kryetarët janë duke tentuar që qeveria të kthej pak kokën edhe kah rimëkëmbja ekonomike”.
“Komunat kanë bërë një far lloj vlerësimi sepse kryetarët e komunave së bashku me ekipet e tyre janë për çdo ditë në teren dhe bëjnë vlerësimin e situatës dhe gjithë kryetarët e komunave kanë rekomanduar që masat e parapara me fazën e dytë të shkurtohen në mënyrë që të jepet pak hapësirë edhe shëndetit ekonomik”.
“Kryetarët e komunave duke e marr parasysh situatën në teren janë duke thënë që situata është në kontroll të plotë dhe është e menaxhueshme, ndoshta edhe pse pritet ndonjë rast i ri këto masa duhet të lehtësohen në mënyrë që të jepet pak hapësirë edhe shëndetit ekonomik përpos shëndetit publik për të cilën kryetarët janë angazhuar me muaj të tërë”.
Ai në një intervistë për Ekonomia Online, ka thënë se është tejet e nevojshme që faza e dytë e lehtësimeve të shkurtohet pasi sipas tij kjo do të ndikojë direkt në buxhetet e komunave, të cilët nuk varen vetëm nga niveli qendron por edhe nga të hyrat vetanake.
“Duke marr parasysh që numri i të infektuarve për qdo ditë është duke rënë dhe duke marr parasysh që në disa komuna të Kosovës nuk ka pas asnjë të infektuar, po ashtu në disa komuna që kanë ndodhur rastet e para të infektimit dhe që disa javë nuk ka asnjë të infektuar atëherë kryetarët kanë kërkuar që masat e parapara me fazën e dytë të shkurtohen në mënyrë që të fillojë gradualisht edhe zhvillimi ekonomik lokal, sepse duhet theksuar që edhe buxhetet komunale gjatë këtij viti nuk do të jenë si në vitet e kaluara, sepse ato varen nga niveli qendror por edhe nga të hyrat vetanake dhe nëse nuk ka një zhvillim ekonomik nëse nuk ka një shëndet ekonomik atëherë nuk do të ketë edhe para për ti paguar tatimet që qytetarët janë të obliguar ndaj komunës”.
