Kryetari i Aleancës për Ardhmërinë e Kosovës Ramush Haradinaj, ka përkujtuar masakrën e Lybeniqit në Pejë, e cila u krye para 22 viteve nga forcat serbe, shkruan InLajmi.
Haradinaj ka theksuar se Kosova do t’i kujtojë me përulje martirët e masakrës së Lybeniqit.
Ai ka theksuar se dëshmorët e martirët e kësaj masakre detyrojnë Kosovën që të mos ndalen së kërkuari drejtësi deri në dënimin e ekzekutorëve për krimet gjenocidiale.
“Kosova përjetë do t’i kujtojë me përulje martirët e masakrës së Lybeniqit, që u shndërruan në gurë themeltar të lirisë së vendit tonë.
Postimi i plotë:
Kosova përjetë do t’i kujtojë me përulje martirët e masakrës së Lybeniqit, që u shndërruan në gurë themeltar të lirisë së vendit tonë. Ata na obligojnë që të mos ndalemi së kërkuari drejtësi, gjersa urdhërdhënësit dhe ekzekutorët të dënohen për krimet gjenocidale në tërë Kosovën. Po sot, kujtojmë me nderim, rënien heroike të Gjeneral Fadil Nimani, ndër luftëtarët e komandantët më të zot në Zonën Operative të Dukagjinit, që nga ditët e para të luftës çlirimtare. Lavdi e përjetshme. /InLajmi/
