Premier Liga sot ka bërë testet për grupin e dytë të stafit, lojtarëve dhe personelin e skuadrave, shkruan gazeta britanike SkySport.
Nga 996 teste të bëra, dy persona kanë rezultuar pozitiv, të cilët vijnë nga skuadra të ndryshme.
Në valën e parë të testeve, në Premier Ligë dolën 6 persona me koronavirus.
Të gjithë ata që u testuan morën rezultatet e tyre të shtunën(sonte), dhe dy rastet e reja janë nga dy klube të ndryshme, identiteti i të cilëve nuk është konfirmuar. Personat që kanë rezultuar pozitivisht në grupin e dytë, tani do t’u kërkohet të izolohen, transmeton GazetaMetro.
Skuadrat e Premier Ligës tashmë kanë filluar stërvitjet dhe në qershor do të rifilloj sezonin.
