Më herët InLajmi raportoi se 138 qytetarë të Republikës së Kosovës do të riatdhesoheshin nga Londra në Kosovë.
Se fluturimi shkoi mirë dhe tashmë qyetarët ndodhen në vendin tonë e konfirmoi përmes rrjeteve sociale Ambasada e Kosovës në Londër.
“Sot u realizua fluturimi i riatdhesimit të qytetarëve të Republikës së Kosovës nga Londra për në Prishtinë. 138 qytetar që kanë mbetur në Mbretërinë e Bashkuar, Irlandë dhe Kanada sot udhëtuan për në Prishtinë nga Londra” – shkruan ndër të tjera njoftimi.
Mirëpo të ardhurit nga Londra nuk do të futen në karantinë tek Qendra e Studentëve.
Këtë e ka konfirmuar nga Ministria e Shëbndetësisë, Valdet Hashani.
“138 qytetarët që kanë ardhur nga Londra nuk do të futën në karantinë këtë pasi janë liruar me procedurë nga mjekët në aeroportin “Adem Jashari”, njofton Klan Kosova.
“Të gjithë qytetarët do të fute në vetizolim për 14 ditë në shtëpitë e tyre”, deklaroi Hashani.
