Nesër besimtarët myslimanë festojnë Bajramin, por këtë here në kushte pandemie, duke mos pasur mundësi të falet namazi nëpër Xhamia dhe pa vizita familjare.
Ministria e Shëndetësisë, ka bërë të ditur se nuk do të ketë masa shtesë, por vetëm ato që janë në fuqi dhe se lëvizja e qytetarëve do të bëhet në bazë të numrit të letërnjoftimit të përcaktuar nga MSH-ja.
Këtë lajm e ka bërë të ditur zëdhënësi i MSH-së, Faik Hoti.
“Besimtarët e kanë dëshmuar përkushtimin e tyre gjatë gjithë muajit për t’i zbatuar me korrektësinë më të lartë të rekomandimeve dhe MSH-ja beson se një mënyrë e këtillë e manifestimit të besimit do të tregohet edhe gjatë festës së Bajramit të Madh, për të cilën besimtarët janë udhëzuar gjithashtu, edhe nga Bashkësia Islame e Kosovës që të manifestojnë respekt dhe kujdes duke u shmangur situata që ekspozojnë qytetarin para një rreziku siç është Covid-19”, thuhet nga MSH./InLajmi/
