Kryetari i degës së PDK-së në Prizren, Shaqir Totaj kritikuar kryeministrin Albin Kurti dhe kryetarin e Prizrenit Mytaher Haskukën për siç ka konsideruar ai anashkalimin që këta të fundit ja kanë bërë Hasit në kuadër të vizitave që ata kanë realizuar pas dëmeve të shkaktuara nga breshëri, shkruan InLajmi.
“Kryeministri në detyrë, Albin Kurti dhe kryetari i komunës së Prizrenit, Mytaher Haskuka nuk kanë gjetur kohë ta vizitojnë edhe Hasin, pas motit me furtunë, që dy ditë më parë përfshiu edhe këtë rajon, duke shkaktuar dëme të shumta në bujqësi, infrastrukturë dhe në ekonomitë familjare.”-ka shkruar në facebook Totaj.
Ai madje ka cekur se si dy udhëheqësit kanë qenë shumë afër Hasit e megjithatë nuk e kanë parë të arsyeshme t’i vizitojnë fshatrat e tij tejet të dëmtuara nga fatkeqsia natyrore.
“Kurti dje ka qenë vetëm në Suharekë dhe Mamushë e Haskuka në Anadrini, shumë afër Hasit, por nuk kanë e parë të arsyeshme të dalin andej Drinit, meqenëse tash nuk është fushatë zgjedhore. Hakuka nuk e ka parë të arsyeshme që nga Pirana, të vazhdojë për në fshatin përballë, në Krajk, Gjonaj, Bregdri e gjetiu ku ka dëme të shumta.”
Totaj më tej ka shtuar se është për keqardhje si ky rajon i Prizrenit nuk po merr përkrahjen e merituar institucionale.
“Është për të ardhur keq, se si Kryeministri nuk gjen kohë ta vizitojë një rajon të madh, për t’i ofruar përkrahjen e merituar institucionale.”
E injorimin e Hasit, Totaj nuk e sheh vetëm me rastin e rënies së Breshërit, ai ka thëne se pushteti i Vetëvendosje!-s po e injoron Hasin edhe në segmente të tjera.
“Në fakt, gjatë tri viteve të fundit, kur pushtetin lokal e udhëheq Vetëvendosje, Hasi është injoruar vazhdimisht. Këtë më së miri e dëshmon gjendja e mjerueshme e rrugës rajonale Gjonaj-Kushnin, traseja e të cilës është deformuar tërësisht.”-ka përfunduar Totaj./InLajmi/
