Kryetari i komunës së Lipjanit Imri Ahmeti dhe Ministri në detyrë i Infrastrukturës Lumir Abdixhiku, janë takuar sot me që rast kanë nënshkruar edhe një memorandum, përcjell InLajmi.
Në këtë komunë janë ndarë mbi 1 milion euro investime në infrastrukturë.
“Sot gjatë ditës bashkë me ministrin e Infrastrukturës dhe Ambientit, z. Lumir Abdixhiku, kemi nënshkruar memorandum për financimin e projekteve në Komunën e Lipjanit” njoftoi Ahmeti në facebook.
Këto janë rrugët dhe shuma që do të ndahet për secilën:
- Rruga “Lumit” dhe rruga e vjetër e “Shkupit” në Gadime të Ulët në vlerë prej 400.000 euro,
2. Rruga Sllovi -Akllap vlerë prej 360.000 euro,
3. Rruga Lluga- Radevë në vlerë 400.000 euro,
4. Rruga tranzit “Lagja Akllapit” që lidhet me rrugën rajonale Lipjan- Janjevë 560.000 euro.
Projekte shumë të rëndësishme për komunën tonë që priten që gjatë këtij viti të kontraktohen dhe te fillojnë punimet./InLajmi/
