Deputetja e AAK-së, Time Kadrijaj, ka folur pas mbledhjes së Komisionit për Punë të Jashtme dhe Diasporë, ku u diskutua lidhur me riatdhesimin e qytetarëve tanë gjatë situatës së krijuar nga pandemia Covid-19, raporton InLajmi.
Ajo tha se kanë kërkuar raport të detajuar për riatdhesimin e kosovarëve gjatë pandemisë.
“Ju kemi dërguar me shkrim që ta kemi një raport të detajuar, por në fakt na është drejtuar me një raport statistikor që me i krahasuar me të dhënat që i kanë deputetët tjerë ose me të dhënat që i ka Ministria e Shëndetësisë nuk po përputhen dhe ne nuk kemi mundur që t’i adresojmë të gjitha ato që i kemi pasur” – ka thënë Kadrijaj.
E meqenëse nuk e morën raportin ashtu siç e kërkuan, depututja e AAK-së tregoi se kishin kërkuar raportim nga drejtori respektiv, por i njejti nuk i është përgjigjur ftesës për raportim.
“U vendos që prapë një kërkesë të tillë t’i drejtohet drejtori të përgjithshëm në mënyrë që të vjen e të raportojë, pra e ka obligim ligjor që të vijë e të raportojë para deputetëve dhe në këtë mënyrë ne nuk e kuptojmë drejtorin që nuk ka ardhur të përgjigjet”, ka thënë ajo.
Kadrijaj është shprehur e shqetësuar me situatën.
“Për ne gjithë kjo situatë ka qenë shumë shqetësueses sepse numri i bashkatdhetarëve që po qëndrojnë pa kushte të mira dhe puna e deputetëve dhe komisionit është monitorimi i Qeverisë”, ka përfunduar ajo. /InLajmi/
