Posta e Kosovës përmes një njoftimi ka bërë të ditur se sot ka filluar shpërndarja e pagesave për qytetarët e skemës sociale nga Pakoja Fiskale Emergjente e Qeverisë së Republikës së Kosovës, shkruan InLajmi.
Kjo ndihmë prej 130 eurosh paraqet masën nr. 15 të miratuar nga Qeveria Kurti pas kufizimeve të aplikuara kundër virusit COVID-19.
Posta e Kosovës ka ftuar qytetarët që gjatë tërheqjes së të hollave të respektojnë: orarin e lëvizjes, distancën fizike prej 2 metrash, dhe rregullat e tjera të vendosura nga IKSHPK-ja.
Njoftimi i plotë i Postës së Kosovës
Posta e Kosovës nga sot fillojë me shpërndarjen e pagesave për qytetarët përfitues të skemës së ndihmës sociale mujore në vlerë prej 130 euro, nga Masa Nr.15 e Pakos Fiskale Emergjente e Qeverisë së Republikës së Kosovës në këtë kohë pandemie.
Ftojmë qytetarët të respektojnë rregullat e gjendjes emergjente shëndetësore, orarin e lëvizjes dhe mbajtjen e distancës fizike prej 2 metra me njëri-tjetrin, gjatë marrjes së shërbimit në sportelet tona.
Falënderojmë gjithë punonjësit tanë që me përkushtim të lartë në këtë kohë pandemie, po kryejnë me efikasitet shërbime qytetarëve në zyrat postare në të gjitha regjionet e Republikës së Kosovës.
Me respekt,
Posta e Kosovës Sh.A.
Prishtinë/InLajmi/
