Motra e Miley Cyrus, Noah Cyrus, ka folur për ndjesinë e të qenit motra e një super ylli, dhe ndryshe nga hamendësimet s’ka qenë fare e thjeshtë, përcjell InLajmi.
Në këngën e saj më të re “The End of Everything” (Fundi i Gjithçkaje) Noah këndon në mënyrë të hapur për ndjenjat e saj.
Në disa nga rreshtat ajo e konsideron Miley-n diell, kurse veten re.
“Motra ime është si dielli, që sjell dritë të mirë kudo që shkon, unë si retë, e bekuar në hijen e saj.”
Noah shpjegoi mëtutje kuptimin e këngës në një lidhje live në instagram.
“Gjithmonë jam ndjerë si personi ndaj të cilit nuk është interesuar askush, bazuar në ato që lexoja online.”, shkruan Glamour.
“Ishte tërësisht e padurueshme”-ka thënë mes tjerash Noah. “Kjo ka qenë arsyeja që kam bërë atë tekst. Sepse në fund të fundit këtë ma thonë të gjithë, gjithë kohës: Çkado që do bësh do jesh nën hijen e Miley-t”./InLajmi/
