Durim Berisha, këshilltari i kryeministrit në detyrë, Albin Kurtit, ka thënë se reagimi i djeshëm nga Gjykata Kushtetuese nuk ka qenë nga Gjykata dhe kryetarja e saj, mirëpo nga sekretariati i saj.
“Reagimi i Gjykatës Kushtetuese, në fakt një reagim pa emër, në emër të sekretariatit të Gjykatës Kushtetueses, pra jo nga Gjykata në kuptim të kryetares apo trupit gjykuese, për shkak se është hera e parë që ministrat e një Qeverie nuk kalojnë më shumë kohë korridoreve të Gjykatës Kushtetuese sesa zyrave të tyre”, tha Berisha në RTV Dukagjini.
“Ka qenë e habitshme ajo shkresë e mbrëmshme në orët e vona që ka dal nga Gjykata e cila barazojë sjelljen e kryeministrit i cili në asnjë moment as vet, e as përmes këshilltarëve apo ministrave, nuk deklaroi diçka sikurse po deklaron presidenti, ndërsa nën 2 nuk ushtrohet presioni nga dikush që ka shkuar drejtësi aty, gjithashtu duhet ta kemi parasysh se je vetëm në Kosovë po kudo në botë kur ka raste të cilat quhen mes insituticioneve kushtetuese ndjeshmëria dhe debati është më i madh, mirëpo në asnjë rrethanë që të ketë reagime të tilla sikurse në Kosovë, sepse profesionistëve nuk ndjehen asnjëherë në presion”, tha Berisha.
Moderatori e pyeti se cilët janë ish-ministrat e Qeverive të kaluar që kanë qenë në oborrin e Gjykatës Kushtetuese, mirëpo ky i fundit nuk ka pranuar të tregon ndonjë fakt.
“Hulumtoni ju e keni profesionin gazetarinë hulumtuese, hulumtoni pak edhe e gjeni atë që veç e dini”, tha Berisha duke mos pranuar të flasë se kush janë ish-ministrat që kanë qenë në oborret e Kushtetueses.
Kujtojmë se Gjykata Kushtetuese në një reagim të saj të mbrëmshëm, ka bërë thirrje që presidenti Hashim Thaçi dhe kryeministri në detyrë, Albin Kurti, t’i ndalin presionet dhe deklaratat kërcënuese, pasi nuk mund të ndikojnë marrjen e vendimit të pavarur të tyre.
