Dje u raportua se të gjithë lojëtarët e klubit të Interit ishin testuar për COVID-19 dhe i gjithë stafi kishin rezultuar negativ, kurse ekipet e tjera para se të fillojnë ndeshjet, duhet që futbollistët dhe stafet të kryejnë testet për COVID-19, nga dy herë, si dhe analizat e gjakut.
Më pas mund të zbresin në fushë dhe të vijojnë përgatitjet.
SPAL është klubi i radhës që i ka testuar të gjithë, përfshirë edhe portierin e kombëtares shqiptare, Etrit Berishën.
Ai, sikurse edhe të tjerët, kanë rezultuar të gjithë negativë dhe në klubin italian janë të qetë dhe mund të stërviten normalisht.
Tani, SPAL, por edhe klubet e tjera, pret datën e rifillimit të kampionatit, përcjell EO.
Ministri i Sportit, Vincenzo Spadafora, ka paralajmëruar se më 28 maj do të ketë një takim tjetër dhe pritet që të vendoset se kur mund të luhet sërish në Serie A.
