Anëtarja e Komisionit për të Drejtat e Njeriut nga radhët e PDK-së, Besa Ismaili, në një konferencë për media ka deklaruar se vendimi për ndarjen e 10 milionë eurove për qytetarët serbë të veriut është i vërtetë., raporton InLajmi.
Ajo tha se sipas Qeverisë kjo ndarje nuk është bërë si mbulesë për shpenzimet por, si garanci për tu kyçur në sistemin e operatorëve, duke bërë gjithashtu të ditur se me përfaqësimin e KOSTT, buxheti do të shtohet për 8 milionë.
Ismaili njoftoi se ZRRE ka premtuar që në vitin 2021, çdo gjë do të operojë si në çdo pjesë tjetër të Kosovës.
“Sot kishim një takim të veçantë për shkak të paqartësisë nëse ka një vendim ose jo nga Qeveria për ndarjen e mjeteve. Sot u sqaruan ato që i kishim ditur edhe me herët por, na u deshtë të dëgjojmë edhe nga pala. 10 milionë euro janë zotuar jo si mbulesë e shpenzimeve në veri siç ka qenë më herët por si garant për tu kyçur në sistemin e operatorëve. Kishim disa shqetësime të cilat janë të moçme por që barra e implementimit të tyre bie mbi ZRRE-në”, tha ajo.
Ismaili ka thënë se kanë pasur disa rekomandime dhe se njëri prej tyre ka qenë që të ndërpriten praktikat diskriminuese.
“Kemi pasur rekomandime, njëra ndër to ishte të ndërpriten me praktikat diskriminuese në dëme të qytetarëve, si dhe të shikohen mundësit për rimbursim”, shtoi ajo.
“Në takim kishim edhe kryesuesin për financa Hekuran Muratin i cili sqaroi për vendimin që e ka mbështetur në saj të kërkesës që ka bërë ZRRE. Ai ka siguruar se me përfaqësimin e KOSTT-it, buxheti do të shtohet për 7-8 milionë.
“Na mbetet të shohim marrëveshjen dhe të mësojmë se si ka rrjedhur, të sigurojmë që nuk ka trajtim të pabarabartë ndaj qytetarëve. Në vitin 2021 gjithçka do të operojë si çdo pjesë tjetër të Kosovës. Derisa nuk morëm përgjigje sa i përket inkasimit”, u shpreh Ismaili./InLajmi/
