Arianit Elshani, përfaqësues i Partisë Demokratike të Kosovës në KQZ, ka ndarë pak kohë që të merret me mburrjen e kryeministrit në detyrë Kurti për sa i përket shkurtimit të shpenzimeve gjatë 100 ditëshit të qeverisë, përcjell InLajmi.
Me anë të një postimi në facebook, ai ka vënë në dukje se mes 100 dështimeve të 100 ditëshit, tre janë mashtrimet lidhur me shkurtimin e shpenzimeve duke quajtur të parin mosmbajtjen e premtimit për 13 ministri duke bërë një qeveri me 15 ministri.
Së dyti Elshani vë në dukje çështjen e zv/ ministrat duke thënë që uli numrin e tyre por i kompensoi me numër enorm të këshilltarëve politik. Së treti Elshani e quan perfide mashtrimin me uljen e pagave të qeverisë. Ai thekson “E vërteta është se këto rroga rregullohen me ligjin e pagave të miratuar në Kuvend, e për të cilën pritet vendimi i Gjykatës Kushtetuese”. Prandaj sipas tij kur të dali akt-gjykimi i Gjykatës Kushtetuese nuk do ketë fare vlerë vendimi populist i Kurtit.
Postimi i tij i plotë në Facebook është si më poshtë:
Në fjalimin për 100 ditëshin e qeverisë, kryeministri i shkarkuar Kurti gënjeu përsëri për disa nga 100 dështimet që ai ka bërë gjatë kësaj periudhe duke pretenduar se një ndër sukseset kryesore të qeverisë ka qenë shkurtimi i shpenzimeve. Që në ditën e parë në pushtet kjo qeveri në ikje mashtroi me numrin e ministrive të cilat kishte premtuar se do të ishin vetëm 13 por e rriti nurmin në 15 për pazare tipike të karrigeve.
Ditë më pas u manifestua mashtrimi tjetër me uljen e numrit të zv.Ministrave. Gjatë gjithë kohës Vetëvendosja kritikonte qeverinë Haradinaj për numrin e madh të zv/ministrave dhe u zotua se do ta ulte këtë numër për të ulur edhe shpenzimet. Mirëpo zv/ministrat i zëvendësoi me këshilltarë politik duke mos patur ndonjë efekt tek ulja e shpenizmeve. Pra u bë një rritje enorme të numrit të këshilltarëve politik me militantë e familjarë të klubit të komunist.
Por kjo qeveri nuk u mjaftua me kaq, në mënyrë perfide mashtroi e vazhdon të mashtrojë me uljen e pagave të qeveritarëve. E vërteta është se këto rroga rregullohen me ligjin e pagave të miratuar në Kuvend, e për të cilën pritet vendimi i Gjykatës Kushtetuese. Nëse ky vendim është në favor të ligjit atëhere pagat kthehen automatikisht aq të larta sa kanë qenë prandaj edhe vendimi populist i uljes, del qartazi që ishte një rrënë marketingu politik.
Këto 3 mashtrime të njëpasnjëshme të bëra që në fillim të 100 ditëshit tregon se kjo qeveri ishte e destinuar për të dështuar, sepse bazzohej në mashtrime e jo në vizionin e duhur për të ardhmen./InLajmi/
