Në përvjetorin e 21-të të zhdukjes së Heroit Ukshin Hoti, djali Andini ka ndarë në rrjetet sociale një postim tejet të dhimbshëm, shkruan InLajmi.
Ai ka kujtuar fëmijërinë e vështirë kur babai ishte në burg dhe atij i mungonte kujdesi prindërorë, por edhe kur Ukshin Hoti u zhduk e atë e përcjelli një rritje plot peripeti.
Por Andini shprehet i padorëzuar në synimin për të zbuluar fatin e të atit.
Postimi i plotë:
“Shokë, shihemi në Kosovën e lirë”
Ukshin Hoti, 16 maj 1999, Dubravë!
Sot bëhen 21 vite apo 7670 ditë që nga zhdukja me forcë e babit nga Burgu i Dubraves!
Edhe nëse dikush do t’donte t’na zbeh forcen për mbajtjen e shpresës që një ditë do t’dihet fati i tij, e kan gabim! Ajo shpresë nuk do t’shuhet sa t’kemi jetë.
Nuk më le pasuri si trashegimi, dhe e di unë se si jam rrit, por më le diçka që as parja e krejt botes nuk e blen, më le pasurinë më të madhe të njeriut: Respektin, Nderin dhe Krenarinë!
As kujdesin prindëror nuk e mora prej teje, natyrisht jo me faj tëndin, por sepse grillat e burgut ta pamundësuan, por më le diçka të madhe: Respektin e popullit.
FALEMINDERIT!/InLajmi/
