Vajza e vetme e Nora Istrefit dhe Robert Berishës, Renee ditën e sotme feston ditëlindjen e saj. Kjo është ditëlindja e parë e vogëlushes që nga momenti i ndarjes së çiftit të njohur. Pavarësisht se martesa e tyre ka marrë fund, kjo sigurisht nuk ka ndikuar në dashurinë që ata i dhurojnë Renee-s dhe raportet që kanë të tre bashkë.
Në urimin që i ka dedikuar vajzës së tij, Robert Berisha nuk ka lënë pa përmendur edhe Norën, duke u shprehur se e vogla është dashuria më e madhe e mamit dhe e babit. Këngëtari ka publikuar në rrjete sociale një video shumë të ëmbël, në të cilën ai shihet duke i rënë pianos ndërsa Renee i qëndron e varur në qafë.
Përkrah videos ai i ka kushtuar vogëlushes fjalët më të ndjera, duke e cilësuar atë si një njeri të adhurueshëm dhe fenomenale.
“Të të kesh ty si fëmijë më bëri të kuptoj sa e bukur është jeta. Buzëqeshja jote gjithmonë ndriçon ditën time. Talenti yt i madh dhe personaliteti i adhurueshëm mund të shkrijë një mal. Ti je ëmbël, fenomenale, dhe e mrekullueshme, e gjitha e mbledhur në një paketë, që unë e quaj bijë. Ti ke qenë gjithmonë dashuria e mamit dhe e babit. Gëzuar ditëlindjen Renee”, ka shkruar Roberti në urimin e tij.
https://www.instagram.com/p/CAL424VnqkS/?utm_source=ig_embed
