Ish-ministri i jashtëm Enver Hoxhaj, u shpreh se PDK do të respektojë çfarëdo vendimi të Gjykatës Kushtetuese për mandatarin e ri.
Çfarëdo vendimi që sjell Gjykata Kushtetuese, Partia Demokratike e Kosovës do ta respekton. Mendoj që edhe në të kaluarën kemi dhënë shembuj në raport me raste të ndryshme dhe e ftojmë çdo subjekt politik që të bëjë një gjë të tillë. Nartyrisht që vendi ka nevojë për qeveri të re”, tha Hoxhaj.
Tha se qeveria Kurti nuk mund të rri dhunshëm në pushtet.
“Opozitës i takon gjithmonë të kërkojë zgjedhje të reja dhe jemi të gatshëm kurdo që mbahen zgjedhjet e reja por kjo nuk është fare formë e presionit se çfarë vendimi do të marrë Gjykata Kushtetuese. Një gjë qëndron që janë 82 deputetë të cilët e kanë rrëzuar qeverinë Kurti dhe kjo qeveri nuk mund të rri dhunshëm në detyrë. Do të ishte abuzim me pushtetin nëse edhe më tutje vazhdon të qëndrojë në formën si po qëndron në presim që në momentin kur Gjykata i jep drejtim dekretit për presidentit partitë tjera politike të vijnë në Kuvendin e Kosovës dhe të shohin a e kanë shumicën parlamentare që të formohet një qeveri e re”, theksoi Hoxhaj për RTV21.
Hoxhaj i përgjigjet edhe zërave për një bashkëpunim të mundshëm me Lëvizjen Vetëvendosje. Thotë se aktualisht nuk ka bashkëpunim, por nuk e përjashton mundësinë që dy parti konfrontuese mund të plotësojnë njëra tjetrën.
