Shumë gra në Ukrainë kanë vendosur ta përdorin fertilitetin e tyre për të bërë para apo për të ndihmuar nëna e familje të tjera që kanë problem me zhvillimin e shtatëzanisë deri në fund.
Kështu ato bëhet nëna surrogate. Apo mbajnë në barkun e tyre për 9 muaj bebe të cilat nuk janë të tyret me dakordimin e prindërve biologjikë dhe në fund të shtatëzanisë u’a kthejnë këtyre të fundit.
Pagesa për një shërbim të tillë shkon deri në 50 000 dollarë. I njejti po bëhet mjaft i kërkuar në Ukrainë, kjo sepse jo të gjitha shtetet e kanë lejuar ligjërisht kryerjen e tij.
Por e keqja e pandemisë i ka prekur edhe disa dhjetëra bebe të lindura nga nëna të tilla.
Mbyllja e kufijve në Ukrainë për shtetasit e huaj, përfshirë edhe për ata që kanë fëmijë biologjikë brenda, ka bërë që ato të ngelen të bllokuara në një hotel në Kiev.
Një dado brenda hotelit shprehet tejet e mërzitur për këtë fakt, shkruan BBC.
“Jemi shumë pë mërzitur për ta. E dimë që askush nuk mund të u’a zëvendësojë dashurinë e prindërve”-thotë ajo.
E një çift nga Suedia ka pasur fatin që më në fund të takohet me binjakët e tyre.
Ata thonë se ishte tejet problematike ardhja deri aty, përcjell InLajmi.
“Sapo gjenim një rrugë të pabllokuar, bllokohej një e ndërmjetme.”-thotë bashkëshorti.
Por përfundimi i kësaj sfide i ka bërë tejet të lumtur.
“Të ulemi këtu dhe t’i kemi (fëmijët tanë) në krahët tonë do të thotë se i’a dolëm.”-shprehet e ëma e entuziasmuar.
Por jo të gjitha bebet janë kaq me fat, shumë prej tyre po presin akoma që jeta dhe dashuria e vërtetë të filloj edhe për ta.
