Pandemia e koronavirusit të ri befasisht i ndali të hyrat dhe llogaritë po shteren e madje edhe klubet më të pasura brengosen kur i shikojnë bilancin. Arsenali nuk bën dallim, në fakt kur bëhet fjalë për top 6 e Premier League, londinezët ndoshta do të jenë më të goditurit në periudhë afat shkurtë nga kriza Covid-19, për herë të parë londinezët kanë raportuar humbje që nga viti 2002.
Ata mund të kenë një miliarder për pronar si Stan Kroenke, por për dallim nga Manchester City dhe Chelsea këta operojnë me tjetër model. Me vite të tëra nën Arsene Wenger, ky model i lejoi atyre që të garojnë, falë dy dekadave pjesëmarrje në Ligën e Kampionëve.
Megjithatë, tre sezonet jashtë garës elite i kanë goditur financat e klubit. Në dhjetor Arsenali njoftoi për humbje prej 27.1 milionë funte për vitin 2018-2019- viti i parë që klubi punon me humbje që prej vitit 2002.
Çfarë mund t’i brengosë edhe më është se kjo shifër mund të rritet duke ditur ndikimin e pandemisë që ka dhe do të ketë në të hyrat që klubet më parë bazoheshin. Me ndeshjet që parashikohen të luhen pas dyerve të mbyllura “për një kohë të konsiderueshme”, sipas qeverisë britanike, Arsenali pritet të humbë një shumë të madhe të parave.
Të hyrat nga biletat përbëjnë 24 për qind të të hyrave të qarkullimit të Arsenal. Pa to, londinezët i pret një ‘vrimë e zezë financiare’. Trusti i Mbështetësve të Arsenal parashikon se Arsenali mund t’i humb rreth 144 milionë funte nëse i tërë sezonin 2020-2021 mbahet pa shikues.
