Sigurishtë që sapo të bëheni prindër, ju do të ekspozoheni përpara një bote jashtëzakonisht të pasur me informacion në lidhje me udhëzimet dhe këshillat që duhet të ndiqni për tu siguruar se rritja e fëmijës suaj do të jetë sa më e mirë! Të gjitha këto informacione dhe këshilla do të vërshojnë nga të gjitha drejtimet : prindërit, motrat / vëllezërit, vjerrha, kunata, miqtë, kolegët, ka të ngjarë edhe komshinjtë mund t’ju thonë nja 2 – 3 udhëzime teksa ju shikojnë që shoqëroni gruan tuaj shtatëzanë për në konsultore një të premte mbasdite!
Të gjitha argumentet pro dhe kundra prindërimit, përfshi burimet e informacioneve dhe këshillave, ashtu si çdo gjë tjetër me rëndësi, duhet të kenë të pakën një fije besueshmërie dhe mbështetjeje shkencore.
Prandaj shkenca ka menduar edhe për rolin e prindërimit!
Disa nga këshillat kryesore që shkenca sugjeron të ndiqni për të rritur fëmijë fizikisht dhe mendërisht të lumtur dhe të shëndetshëm janë :
- Mos u gënjeni nga gjatësia
Nuk ka fare rëndësi se sa i / e gjatë është fëmijë juaj 15 vjeçar, as fakti se mund t’i jetë trashur zëri, t’i ketë ardhur cikli apo gjoksi tek vajzat të jetë bërë më i dukshëm! Ata janë ende fëmijë! Shkenctarët sugjerojnë prindërit e fëmijëve që hyjnë në etapën e adoleshencës se : kjo fazë zgjatë gati një dekadë, duke nisur nga mosha 11 vjeçare deri në moshën 19 vjeçare dhe elementi kyresor gjatë këtij harku kohor është komunikimi dhe durimi. Pavarsisht se ata janë duke pësuar transformime fizike dhe nisin të ngjajnë si të rritur, prindërit duhe të kenë gjithmonë parasysh gjatë kësaj faze, se fëmijët e tyre janë ende në një proces të rëndësishëm zhvillimi. Çka do të thotë se edhe pse ngjajnë si të rritur, fëmijët tuaj adoleshent do të kenë ende nevojë për suportin tuaj fizikisht dhe emocionalisht si prindër! Mos jua shkëpusni sytë dhe synoni t’i qëndroni sa më pranë! Kjo nuk do të thotë se duhet t’i trajtoni domosdoshmërisht si fëmijë, por të arrini të gjeni ekuilibrin e duhur për të filluar t’i mësoni gjërat më të rëndësishme në jetë!
- Ofroni mbështetje më të madhe për fëmijët që janë më të ndrojtur
Faqet e skuqura të të voglit tuaj, jo domosdoshmërit janë tregues që ai / ajo është i / e turpshme, por fëmijët me natyrë disi të tërhequr dhe të druajtur, duhet të kenë vëmendje më të madhe nga prindërit. Kjo sepse fëmijët e turpshëm kanë probabilitet më të lartë për të vuajtur nga çrregullime të ankthit, sipas studimeve psikologjike. Dhe kjo vjen si rezultat i faktit se janë fëmijë më të ndjeshëm se të tjerët dhe shpesh në ambientet shkollore mund të vihen në qëndër të vëmendjes thjesht dhe vetëm për t’i vënë në siklet. Pra, si ti mbështesni fëmijët e turpshëm? Zgjidhja ideale do të ishte t’i nxirrni nga zona e tyre e rehatisë, por pa u përpjekur për t’i ndryshuar natyrën ose karakterin. Kërkimet psikologjike në Universitetin e Neë York, kanë treguar se ‘droja’ është një pjesë e karakterit të fëmijëve, që me kohën shndërrohet edhe në tipar dallues, por shumë i vështirë dhe delikat për tu zbutur apo ndryshuar! Prandaj në këtë pikë, më e mira është të punonin me fëmijën tuaj të turpshëm, duke mos e bër të ndjej faj për emocionet që përjeton por duke e nxitur të pranojë veten dhe ambientin përreth tij me kurajo!
- Jetoni në të tashmen
Të rriturit kanë tendencën të mendojnë vazhdimisht për të ardhmen, por fëmijët, veçanërisht grupmosha parashkollore ( 2 – 5 vjeç ) jetojnë KËTU dhe SOT. Të paktën, kështu thotë shkenca! Për tu përshtatur me nivelin dhe mendësinë e fëmijës, prindërit duhet të mësojnë të lënë mënjanë të gjitha frikërat dhe pasiguritë dhe të mësojnë se si të jetojnë në të tashmen, duke shijuar çdo moment në praninë e fëmijëve, por edhe në jetën e tyre personale! Në këtë përfundim, arrijnë studimet e zhvilluara nga qëndra Barnard College për Zhvillimin e Fëmijëve, Neë York.
Kjo do të thotë se prindërit nuk duhet të jenë vetëm fizikisht pranë fëmijës, pra të gjejnë kohë të bollshme për të shpenzuar së bashku, por do të thotë që të dyja palët të përpiqen të komunikojnë sa më shumë. Çka do të thotë se prindërit nuk kanë pse ta lodhin një fëmijë 3 vjeçar me idenë se duhet ta mbaj lapsin mirë dhe në dorë të djathtë, kur vizatojnë, sepse shumë shpejt do të shkojë në shkollë dhe duhet të jenë të përgatitur! Sigurisht që ky informacion duhet përcjell tek të vegjlit hera – herës, por në rang ditor, prindërit thjesht duhet të gëzohen kur ulen të vizatojnë ose shkruajnë numrat, pa analizuar dhe kushtuar rëndësi faktit që lapsi nuk mbahet siç duhet apo aq më keq, se pse është në dorën e majtë të të voglit tuaj!
- Shpjegoju dhe fol për ndjenjat që ata vetë përjetojnë
Në një kohë që fëmijët e mëdhenj e konsiderojnë veten si ‘princër’ dhe ‘princesha’, fëmijët më të vegjël shpesh nuk e kanë fjalorin për të emërtuar emocionet e tyre. Fëmijët fillojnë t’i kuptojnë emocione të tilla si frika, zhgënjim ose mërzita në grupmoshën 2 – 5 vjeç. Në këtë pikë, nëse keni një fëmijë të kësaj grupmoshe, mos e nënvlerësoni zhvillimin e tyre emocional, por filloni ta ndihmoni dhe suportoni për të kuptuar dhe pranuar emocionet që ndjejnë. Psikologët sugjerojnë që prindërit t’i kushtojnë rëndësi shpjegimit të emocioneve për fëmijët . Përshembull nëse jasht bie shi dhe fëmija do dëshironte të dilte për të luajtur, nuk mund ta lini duke qarë ose u ankuar përse nuk mund të dal. Prindërit duhet të vihen në kontakt me fëmijën në këtë pikë duke i shpjeguar situatën : “Është vërtetë e trishtueshme që po bie shi, se ne nuk mund të dalim jashtë, por nuk kemi c’ti bëjmë! Mund të luajmë edhe këtu, eja..”
- Ji i sjellshëm / i duruar dhe me edukatë
Dëshironi të rrisni fëmijë të edukuar, të sjellshëm dhe të duruar? Atëherë prindërit duhet të shtojnë në fjalorin e tyre sa më shumë të jetë e mundur fjalët magjike të tipit : të lutem, faleminderit etj. Fëmijët mësojnë të ndërveprojnë dhe bashkëpunojnë me të tjerët, duke vëzhguar kryesisht të rriturit brenda familjes dhe veçanërisht prindërit. Kështuqë nëse ju si prindër thoni gjatë gjithë kohës dhe pothuajse kudo ‘ju lutem’ dhe ‘faleminderit’ si psh në supermarket, mësueses, fatorinos në autobus etj, të jeni të sigurtë se fëmija juaj po ju vëzhgon dhe po përvetëson sjelljen tuaj!
