“Unë isha e fortë dhe rezistova,” këto janë fjalët e para të Silvia Romano, vullnetares italiane e rrëmbyer 18 muaj më parë në Afrikën Lindore, pasi mbërriti në Romë ditën e diel, përcjell InLajmi.
Ajo përshëndeti edhe të afërmit që e prisnin atë në aeroport për të shkuar më pas në prokurori, aty ku do të japë edhe dëshminë e saj.
Romano u mor peng në kohën kur punonte si vullnetare për shoqatën “Africa Milele”, në Kenia në nëntor 2018, transmeton Euronews.
Ajo u gjend në Somali, rreth 30 km jashtë kryeqytetit Mogadishu, dhe u la e lirë falë përpjekjeve të agjencisë së jashtme të inteligjencës.
Lirimi dhe kthimi në shtëpi i Romanos u përshëndet nga kryeministri italian Guissepe Konte dhe nga ministri i jashtëm Luigi Di Maio, të cilët e theksuan se Task Force kishte vazhduar përpjekjet e shumta për çlirimin e saj. Ai shtoi se detajet nuk janë zbuluar në mënyrë që të mos komprometojnë operacionin./InLajmi/
