Në këtë gjendje kishin ardhur një pjesë e konsiderueshme e shtëpive para pesë vitesh në Kumanovë të Maqedonisë së Veriut, pas dy ditësh luftime në lagjen “Kodra e Trimave”, mes forcave policore dhe grupit të armatosur të njohur si “Grupi i Kumanovës”, përcjellë InLajmi.
Në konfliktin e armatosur u vranë edhe tetë pjesëtarë të Ministrisë së Punëve të Brendshme, 10 anëtarë të grupit të armatosur, ndërsa rreth dyzetë mbetën të plagosur.
Për ngjarjet në ‘Lagjen e Trimave’ nga muaji shkurt i vitit 2016 ishte ngritur aktakuzë për 37 persona për veprën ‘Terrorizëm’ dhe ‘Organizatë terroriste’, ku 33 prej tyre janë dënuar për këto vepra, ndërsa katër prej tyre janë liruar.
Gjykata Penale në nëntor të vitit 2017 me burg të përjetshëm i dënoi Andi Krasniqi-Malisheva, Demë Shehu, Fadil Fejzullahu, Nasuf Bekiri, Valdet Zekaj, Beg Bajra dhe Fejzulla Rushitovski. Me 40 vite burg u dënuan, Komandant Sokoli, Esat Kafexholli, Ardian Bujari, Shefqet Hallaçi, Betim Kabashi, Genci Sefaj, Enver Hoxha Klein, Rufki Dogani, Bajram Elshani, Nexhmedin Lika, Lirim Krasniqi, Sevdail Miftari, Fatmir Reçica.
Me 20 vjet burg janë dënuar Kenan Isni, Fadil Elshani, Lirim Demiri, Hajrush Abdia, Landrit Rrustemaj, Mirsad Qerimi. Musadik Pajaziti dhe Ebip Aliji janë dënuar me nga 12 vite burg. Arsim Bajrami dhe Elham Arifi nga 13 vite. 14 vite iu shqiptuan Seadudin Abdullait ndërsa 18 vite Ragmi Latifit.
Opozita e atëhershme LSDM, akuzoi se “Lufta e Kumanovës” ishte veçse një skenar i VMRO-DPMN-së, përmes shërbimit sekret të shtetit.
Vetë lideri i opozitës atëbotë, 10 ditë pas rastit, vizitoi vendin e ngjarjes e premtoi hetim të drejtë e mbështetje ndërkombëtare. Të njejtat premtime i pati dhënë edhe kreu i BDI-së, Ali Ahmeti.
Por të dy këto deklarata mbetën fjalime të regjistruara, shkruan StrugaLajm.
Më poshtë keni pamje nga momentet e arrestimeve të “Grupit Kumanova”./InLajmi/
