Ministri i Shëndetësisë, Arben Vitia në një konferencë për media tha se vdekja e 26 vjecarit nga Gjilani ka qenë lajm tragjik për të gjithë, raporton InLajmi.
Të dielën një 26 vjeçar dyshohet se ka bërë vetëvrasje duke u hedhur nga lartësia në Qendrën e Studentëve, e cila është shndërruar në karantinë për të gjithë ata që hynë në Kosovë.
Vitia ngushëlloi familjen dhe të afërmit e gjithë qytetarët lidhur me humbjen e jetës së këtij të riu, ku tha se kurrë s’do të kishte dashur të dëgjonte për një ngjarje të tillë pikëlluese.
Kurrë nuk do të kisha dashur jo vetëm si mjek as si politikan të flas për këtë ngjarje tragjike. Ai kishte mbërritur 24 orë para ngjarjes tragjike nga Gjermania që kishte shkuar për të ndjekur studimet. Kjo ngjarje na ka prekur të gjithëve edhe mua personalisht”.
“U bënë dy muaj me këtë atmosferë të gjatë me kufizimin e lëvizjes dhe të punës, nuk është as qetësuese as e lehtë për mua. Masat nuk kanë qenë të lehta, por i kemi marrë me rekomandim të institucioneve tjera”.
“Ne si institucion nuk i lejojmë vetës të paragjykojmë dhe do të zbardhet me detaje ardhja prej përcjelljes në Ambasadë, deri te stafi administrues i Qendrës. Shfrytëzoj rastin të ta ftoj Prokurorinë të merret me rastin”.
Të dielën një 26 vjeçar dyshohet se ka bërë vetëvrasje duke u hedhur nga lartësia në Qendrën e Studentëve, e cila është shndërruar në karantinë për të gjithë ata që hynë në Kosovë.
Ministri Vitia shtoi se nga ministria e Shëndetësisë dhe Qeveria do të ndërmerren të gjitha përgjegjësitë institucionale që të zbardhet çdo e dhënë që lidhet me rastin.
“Duke filluar nga angazhimi i udhëtimit nga ambasada, pritjes dhe vizitës mjekësore në Aeroport dhe shoqërimin në konvikte. Shfrytëzoj rastin t’i bëjë thirrje prokurorisë të vendosë në prioritet hetimin e rastit, çdo supozim i parakohshëm që mund ta bëjmë tani do të ishte mungesë përgjegjësie dhe shtim i dhimbjes për familjen.
E nderuara familje ne bashkëndjejemë me dhimbjen tuaj dhe do të jemi pranë jush, jemi të ndërgjegjshëm që në raste të tilla fjalët dhe ngushëllimi nuk mjafton, hidhërimi dhe pikëllimi juaj është dhe i yni. Shumë e dashur familje dhe të afërm të të ndjerit të bëhemi të afërt në këto raste dhe t’u ofrojmë mbështetje atyre që kanë nevojë dhe të mos hezitojmë të kërkojmë ndihmë nëse ndjehemi të vështirësuar. Na duhet forcë të mundim atë që lë pandemia pas, të jemi pranë njëri-tjetrit por edhe pranë familjes që sot përjeton dhimbjet ë madhe, edhe një herë ngushëllime /InLajmi/
