Të gjithë biem dakord se çdo marrëdhënie shoqërohet me konflikte, të cilat ndonjëherë mund të lindin nga hiçi dhe të shndërrohen papritur në debate të nxehta. Të gjitha çiftet përjetojnë ulje-ngritje në marrëdhënie ndaj është mëse e kuptueshme që në një moment gjaknxehtësie të thuhen fjalë të pamenduara mirë.
Sipas ekspertëve të marrëdhënieve, fjala e vetme që nuk duhet të thoni asnjëherë gjatë një debati është ndarje/divorc. Arsyeja?
Së pari, një fjalë e tillë shkakton ankth dhe stres te pala tjetër. Sado i/e sigurt të jetë partneri/ja për dashurinë dhe lidhjen tuaj, një fjalë e tillë ndikon që të rritet niveli i stresit dhe ankthit.
Së dyti, mund të ketë efekt negativ duke e bërë partnerin/en ta mendojë realisht ndarjen ose divorcin. Edhe pse ju mund ta keni thënë në nerva e sipër, nuk dihet me siguri se ç’efekt do të ketë tek ai/ajo.
Së fundmi, është një fjali “e ulët” pasi në shumicën e kohës thuhet për ta “manipuluar” dhe frikësuar tjetrin. Një marrëdhënie e mbajtur me frikë dhhe kërcënime nuk ka si të jetë kurrë e lumtur.
Theksojmë se fjala divorc/ndarje nuk thuhet thënë në rastet kur me të vërtetë nuk e mendoni, por e thoni ashtu në gjaknxehtësi. Mendohuni mirë. Në rastet e tjera, kur marrëdhënia nuk është aspak siç duhet, sigurisht që mund ta diskutoni të dy mundësinë për t’u ndarë ose divorcuar…gjithnjë kur të jeni të qetë./InLajmi/
