Një djalë i moshës 26 vjeçare ka kërcyer nga kati i pestë i njërit prej konvikteve në Qendrën e Studentëve në Prishtinë e cila po shërbejnë si karantinë për personat të cilët vijnë nga shtetet e ndryshme, përcjell InLajmi.
Gjatë pasdites së sotme, A.M., 26 vjeçar i gjinisë mashkullore nga Gjilani, ka kërcyer nga kati i pestë i njërit prej objekteve të Qendrës Studentore, i cili ka vdekur meqë nuk ka arritur t’i bëjë ballë plagëve të marra.
Ai ka vdekur në QKUK, ndërsa rastin për rënien e tij nga lartësitë e konfirmuar zëdhënësi i Policisë për Rajonin e Prishtinës, Daut Hoxha.
Shefi i Emergjencës, Gëzim Mustafa, ka dhënë detaje lidhur me rastin në fjalë.
Mustafa tha se 26-vjeçari ka shkuar në QKUK me fraktura të rënda kryesisht në bazën e kokës.
“Me date 03.05.2020, rreth ores 17:20, ekipet e emergjences dhe Policia kane shkuar te qendra e studenteve dhe nje person eshte percjell me autoambulance ne drejtim te klinikes emergjente. Njesitet e policisë dhe forenzika kane dale ne vendin e ngjarjes dhe pas procedurave hetimore do te sqarohen rrethanat tjera, ndersa lidhur me gjendjen shendetsore referonju kompetenteve ne QKUK”, thuhet në përgjigjen e policisë.
26-vjeçari kishte ardhur dje nga Gjermania dhe kishte rezistuar të futej në karantinë për shkak të problemeve shëndetësore.
Kjo është bërë e ditur nga një dëshmitar i cili po ashtu është në karantinë në Qendrën e Studentëve.
“Ne ishim nëpër dhoma, ku duhet të qëndrojmë si zakonisht. Papritmas vjen një punëtor i imi pasi që ne jemi një staf që kemi ardhur ditën e enjte dhe më tha: eja, shiko çfarë ka ndodhur. Kur u afrova te dritarja, e pash që kishte kërcyer nga kati i katërt i konviktit numër shtatë një person. Personi që ka kërcyer nga qendra e konvikteve ka ardhur dje nga Gjermania. Ai ka rezistuar që të mos futet në konvikt për shkak se sipas informatave ka pasur probleme shëndetësore. Ai ia ka treguar dokumentet policisë për problemet që ka, por askush nuk është marrë me kërkesën e tij”, tha ai./InLajmi/
