Ish-Kryetari i Parlamentit të Kosovës, Jakup Krasniqi, ka pyetur se për çfarë kanë garuar në zgjedhjet e fundit kandidatët për Kryeministër. Ka dhënë një përgjigje nëse kjo garë është bërë për Republikë, Parlamentare, mbretërore, islamike apo tallava republikë, shkruan InLajmi.
Këto komente Krasniqi përmes rrjetit social facebook i ka bërë pas pezullimit që ia bëri Gjykata Kushtetuese dekretit të Presidentit për Shefin e ri të Qeverisë.
Krasniqi është marrë pak edhe me gjyqtarët e Gjykatës Kushtetuese, duke thënë se është i interesuar të di nëse i dinë kompetencat e tyre.
“Anëtarët e Gjykatës Kushtetuese te Kosovës, a e dinë se: çfarë Republike është Kosova? Do të isha i lumtur që ta dija saktë këtë?! Kuptohet nëse ata e dinë në esencë rolin e përgjegjësinë e tyre Kushtetuese?!”.
Postimi i plotë
Jam goxha kureshtar?!
Jam shumë kureshtar që ta dijë se:
1. Anëtarët e Gjykatës Kushtetuese te Kosovës, a e dinë se: çfarë Republike është Kosova? Do të isha i lumtur që ta dija saktë këtë?! Kuptohet nëse ata e dinë në esencë rolin e përgjegjësinë e tyre Kushtetuese?!
2. Po, për “ekspertët” e shkencave juridike, që na i qorruan sytë e shurdhuan veshët, a dinë ata që të na thonë: çfarë Republike është Kosova, sipas mendjeve të tyre të “ndritura”?!!!! Kuptohet po mendojë për ekspertet që nuk dinë gjithçka.
3. Vrapuesit për Kryeministër, Kryetarët e partiçkave politike, a e kanë idenë se për çfarë Republike kanë garuar në zgjedhje?lik Për Republikë parlamentare, mbretërore, islamike apo tallava repubë? Pastaj a e dinë ata pse janë më të mençurit e botës? Madje pse e ngritin shkopin lartë në zgjedhje e pas tyre e rrëzojnë për toke?!!!
Për të tjerët që janë partizanë të këtij apo atij kryetari partie, e që nuk kanë nevojë të mendojnë me kokat e tyre se kryetari mendon për ta, as që ia vlen që të pyesësh?!!!
Kur t’i dija përgjigjët, mbase do ta thosha ndonjë fjalë, por në ambientin tonë me veshët e mbyllur me dyllë, mbase edhe nuk ia vlen. Ku ta dish?! Thonë “heshtja është Ari e të folesh argjend”?!!! Populli e ka thënë edhe një gjë, fortë të mençur: “Fjala e drejt vret më shumë se plumbi”. Vërtete fjala e drejtë krijon armiq, por ajo duhet të thuhet, se armiqtë e “duan” shumë nënshtrimin, si kryetarët e partive te mëdha tek Ne!
Edhe një gjë po me vije keq: Pse disa luftëtarë të mëdhenj të parimësisë politike i kanë “shti veshët në lesh”?! Apo, mbase, po dëshirojnë të mbesin Ari?!!!
P. S.
Harta flet shumë për dje e për sot?! /InLajmi/
