Si pasojë e një aksidenti në fshatin Bradash e Podujevës kanë mbetur të lënduar gjashtë persona të cilët janë dërguar për trajtim mjekësor, përcjell InLajmi.
Ashtu siç e konfirmon për Metron, zëdhënësja e policisë për rajonin e Prishtinës, Flora Ahmeti, rasti ka ndodhur rreth orës 15:00, ku të përfshira ishin tre vetura.
Ajo tutje shtoi se personat e lënduar janë dërguar për trajtim mjekësor, ndërsa me rastin është duke u marrë njësiti i trafikut.
“Sot rreth orës 15:00 në fshatin Bradash të Podujevës, ka ndodhur një aksident trafiku ku të përfshira kanë qenë tri automjete. Bazuar në të dhënat fillestare në këtë aksident janë lënduar 6 persona. Personat e lënduar janë dërguar për tretman mjekësor. Me rastin po merret njësiti i trafikut”, ka përfunduar Ahmeti./InLajmi/
