Dy pacient të infektuar me koronavirus, të cilët po trajtohen në Klinikën Infektive janë në gjendje kritike dhe aktualisht janë në mjekim intensiv.
Nga Klinika Infektive më herët u raportua vetëm për një pacient në gjendje të rëndë si pasojë e Covid-19. Mirëpo më pas, Dr. Nderim Hasani, mjek kujdestar i Klinikës Infektive, njoftoi përmes një komenti në Facebook, se në mjekim intensiv janë dy raste me Covid-19.
Ndërkohë, në Klinikën Infektive të Qendrës Klinike Universitare të Kosovës, sot me 28.04.2020, janë të hospitalizuar gjithsej 62 raste, 50 prej tyre me Covid -19.
Siç bëhet e ditur në njoftimin e tyre në Facebook, 40 prej tyre janë në gjendje stabile, 9 raste janë në trajtim me oksigjenoterapi dhe përkujdesje intensive ndërsa dy në gjende të rëndë shëndetësore.
Tutje theksohet se sot, nga Infektivja lirohen 6 pacientë të shëruar nga infeksioni me Covid-19.
