Edhe pse Ministria e Shëndetësisë nuk kanë marrë ndonjë kërkesë zyrtare nga ana e Behgjet Pacollit për kthimin e tij në Kosovë, ata kanë njoftuar se masat janë të njëjta për të gjithë qytetarët, përcjell InLajmi.
“Nga mediat u njoftuam me ankesat e Kryetarit të AKR dhe njëherësh deputetit të Republikës së Kosovës, z. Behgjet Pacolli. Deri më sot në Ministrinë e Shëndetësisë nuk ka mbërritur asnjë kërkesë zyrtare për asnjë nga ato çka përmenden në reagimin e z. Pacolli. Siç kemi konfirmuar ditën e djeshme për rastet e kthimit të shtetasve të Republikës së Kosovës aplikohen masat e njëjta. Pavarësisht pozicioneve që kanë qytetarët tanë përpara çështjeve të shëndetit publik trajtohen jo nga pozita por sipas kritereve të paracaktuara shëndetësore”, është thënë në ragimin e MSH-së. .
MSH thonë se me asnjë praktikë nga vendet e përparuara, dikush për shkak të pozitës nuk i nënshtrohet kritereve të parandalimit të përhapjes së pandemisë.
“Reagime të këtij lloji përçojmë mesazhe të gabuara tek qytetarët tanë të cilët po zbatojnë me korrektësi rekomandimet e institucioneve’, thuhet në reagimin e MSH-së./InLajmi/
