Kryetari i Aleancës Kosovare të Bizneseve, Agim Shahini vlerësoi se kriza politike është duke e dëmtuar ekonominë e Kosovës më shumë vet koronavirusi, përcjell InLajmi.
“AKB vlerëson se kriza politike në vend është bërë më e rëndë se pandemia për ekonominë dhe biznesin Kosovar duke humbë fuqinë konsumuese dhe perfomancen financiare”, ka shkruar ai.
Sipas tij, Qeveria në detyrë nuk ka fuqi dhe strategji për të marr vendime të mëdha për tejkalimin e krizës ekonomike.
“Sot kur jo me shume se 40% të bizneseve vendore janë aktive dhe atë jo në kushte normale vendi rrezikon të futet në situatë të rënd sociale pas qe të hyrat nga të gjitha vijat buxhetore ka rënie drastike në investimet e huaja, remitenca , donatorët dhe institucionet financiare ndërkombëtare po hezitojnë të mbështetin Kosovën pa qeveri funksionale e cila nuk mund as një ligji të kalon në parlament për të cilën shumë projekte mbështetëse për Kosovën duhen të kalojnë për mes Kuvendit”, ka shkruar ai.
Sipas tij, pandemia mund t’i ketë prekur rreth 1000 veta në vend por varfëria dhe kriza i ka prek rreth 2 milionë kosovar pa dallim race apo përcaktimi fetar e politik.
“Qeveria aktuale pa fuqi për të kryesuse shtetin kurse opozita me vështirësi për të marr në udhëheqje shtetin. Kjo situatë e krijuar po e shkatërron ekonominë biznesin dhe ndjenjat qytetar për këtë elitë politike. Vetëm një qeveri dhe parlament funksional mund të shpëtojnë ekonominë nga kriza që e prek Kosovën”, ka shkruar ai./InLajmi/
