1 muaj kohë, nga 4 maji deri më 1 qershor, për rihapje graduale javë pas jave, pa përfshirë turizmin bregdetar, shkollat, industrinë e kinemasë, teatrit apo futbollit.
Kështu e zyrtarizoi Qeveria italiane planin për “fazën 2”.
Kryeministri Conte në konferencë për shtyp para pak çastesh tha: “Tani fillon faza e bashkëjetesës me virusin. Gjatë fazës 2 ka shumë rrezik për shpërthime të reja të pakontrollueshme. Duhet thënë e vërteta. Për këtë arsyje nga sot e tutje duhet ruajtur distancimi social akoma e më shumë”.
ZYRTARE: Plani i Qeverisë italiane për “fazën 2”:
- nga 4 maji: rifillojnë punën firmat ndërtimore me protokoll të rreptë sigurie. Rihapën parqet, por në hyrje do të ketë personel vëzhgues që s’lejon grumbullime dhe mbipopullim.
Lejohen vizitat ndërfamiljare, pa grumbullime. - Nuk do të lejohet që të lëvizet jashtë lirshëm. Masat aktuale sa i përket kësaj çështje mbesin në fuqi. Lejohet organizimi i funeraleve me max 15 anëtarë të familjes.
- Maskat do të kenë çmim fiks dhe të drejtë në treg: -ato kirurgjike do të kushtojnë 0.50 Euro.
- Nuk lejohet udhëtimi nga rajoni në rajon. Atletetët që praktikojnë sporte individuale mund t’i fillojnë stërvitjet nga data 4 maj.
- Kryetarët e Komunave autorizohen që të mund t’i anulojnë këto vendime nëse shohin se e kanë të pamundur mbajtjen nën kontrollë të kësaj faze.
- Nga data 4 maj restaurantet mund të rihapën, por pa lejuar që klientët të ngrënë brenda lokalit, por në shtëpitë e tyre, me shërbimin “take aëay”. Duhen respektuar radhët e gjata dhe distancimi social jashtë lokaleve kur shkohet për ta bërë porosinë. Me masa mbrojtëse.
- nga 18 maji: lejohet rihapja e dyqaneve tregtare, muzeve dhe bibliotekave. Nga kjo datë lejohen edhe stërvitjet e atletëve të sporteve kolektive.
- nga 1 qershori: lejohet rihapja e kafiterive, restauranteve, frizerëve dhe salloneve të ondulimit, si dhe qendrat estetike.
- nga shtatori: -rihapën shkollat. Jo më herët se atëherë (tashmë është zyrtare).
Detajet më të hollësishme do të kumtohen sapo të hyjë në fuqi dekreti dhe të publikohet në gazetë zyrtare.
