Të shtunën e kaluar vdekjet nga koronavirusi në Itali janë rritur në 415 persona , që paraqet rritjen ditore më të ulët që nga 17 marsi, ka njoftuar Agjencia e Mbrojtjes Civile, përcjell InLajmi.
Numri i rasteve të reja me infeksion ishte po ashtu më i ulëti në pesë ditët e fundit, me 2357 nga 3021 sa ishin dje (e premte).
Të shtunën numri i vdekjeve pësoi rënie për pesë në krahasim me të premten.
Totali i vdekjeve, që nga shpërthimi i virusit më 21 shkurt, tani qëndron në 26 mijë e 384. Italia është vendi i dytë me më së shumti të vdekur pas SHBA-së. Sa i përket rasteve të regjistruara me koronavirus, 195 mijë, Italia është e treta pas SHBA-së e Spanjës.
Numri i qytetarëve të regjistruar me sëmundje ka rënë në 105,847 nga 106,527 sa ishte një ditë më herët. Kjo është dita e gjashtë rresht me ulje të numrit të rasteve aktive.
Agjencia ka thënë se 1.187 milionë qytetarë janë testuar për virus, në popullatën 60 milionëshe./InLajmi/
