Kryetarja e Kuvendit Vjosa Osmani i ka uruar të gjithë Besimtarët Myslimanë në Kosovë me rastin e Muajit të shenjtë të Ramazanit, shkruan InLajmi.
Kryetarja Osmani ka thënë se ky muaj është mundësia më e mirë për solidaritet ndërnjerëzor.
Ajo ka shtuar se në kohën kur njerëzimi po e kalon një sfidë duke bërë njëkohësisht sakrificë në përballje me pandeminë globale Covid-19, besimtarët myslimanë do të nisin muajin e sakrificës – Ramazanin. Ky muaj është mundësia më e mirë për solidaritet ndërnjerëzor dhe dëshirë për ta promovuar harmoninë në një shoqëri shumëfetare e shumëkulturore”.
“Përgjatë ditëve të agjërimit do të kujtohen e ndihmohen ata që janë privuar nga mundësia apo e drejta e ushqimit. Të dashur besimtarë myslimanë, të nderuar agjërues, paqi agjërim të lehtë!”, thuhet në urimin e kryeparlamentares Osmani. /InLajmi/
